Nutaarsiassat

Tusagassiorfinnut nalunaarut - Novembari 2017

| uannga: Commission

Pikialasorsuaq, Issittup imartaani pinngorarfiit annersaat illersorneqartariaqarpoq aqunneqarlunilu naggueqatigiinnit Inunnit siulersorneqartumik Kalaallit Nunaanneersunit Nunavummeersunillu

København, Danmark; Nuuk, Kalaallit Nunaat; Iqaluit, Nunavut

Inuit Issittormiut Siunnersuisoqatigiiffiata Pikialasorsuaq pillugu Isumalioqatigiissitaata nalunaarusiani saqqummiuppaa "Sikukkut Ikaartut Kinguaavi: Siunissamilu Pikialasorsuaq saqqummersippaa".

Nalunaarusiaq Pikialasorsuup qanigisaaniittut inoqarfiit Canadamiittut Kalaallit Nunaanniittullu ukiut marluk ingerlaneranni tusarniaaffigereerlugit suliaavoq.

Pikialasorsuaq tassaavoq imartaq ammalatamik taaneqartartoq ukiorissinerani sikunngisaannartoq Nunarsuup Affaata avannarliani pinngorarfiit anginerpaat.

Kuupik V. Kleist, Isumalioqatigiissitani Kalaallit Nunaat sinnerlugu ilaasortaq Naalakkersuisuni Siulittaasuusimasoq novemberip 23-iani nalunaaqutaq 17:15 Hotel Scandic Sydhavnenimi nalunaarusiap saqqummiunneqarneranut atatillugu ilassinnippoq, nalunaarusiamilu inassuteqaataasut itisiliffiginiarlugit. Naatsorsuutaavoq Canadami aamma Nunavumi, Kalaallit Nunaanni Danmarkimilu Naalakkersuisut imartap pineqartup immikkuullarissuunera tunngavigalugu illersorneqarnissaa naggueqatigiinniillu Inunnit siuuttuuffigineqartumik aqunneqalernissaa siunertaralugu suleqatigiikkumaartut.

Aaqqissuussineq tamanna pivoq Pikialasorsuaq pillugu novemberip 22-iani 23-ianilu ilisimatusartorpassuit suliatik assigiinngitsut pillugit pinngorarfimmut tunngasunik ilisimalikkatik pillugit saqqummiussillutik oqallillutillu ataatsimeersuarnerisa nalaani (http://conferences.au.dk/now/).

"Kalaallit Nunaata Canadallu akornanniippoq erlinnartuutit ilaat. Pikialasorsuup qanigisaani inoqarfiit tikeraarlugit tusarniaaffigineqarneranni erseqqissumik oqaatigineqarpoq tamatuma kinguaariinnut kingornutassiissutigineqarnissaa qulakkeerniarlugu oqartussat iliuuseqartariaqartut", Isumalioqatigiissitani ilaasortaq Kuupik V. Kleist oqarpoq.

"Pinngortitap pissuseqatigiiffiata ilaata immikkuullarissup nakkutigineqarneranut aqunneqarneranullu innuttaaqatigiit toqqartumik oqartussaaqataanissaq kissaatigaat. Uumassusillit pinngitsoorsinnaanngisatik peqqissuujuarnissaat Pikialasorsuup avatangiisaata allanngutsaaliorneqartariaqarneranik tunngaveqartuusoq nassuerutigaat."

"Pinngortitap pissuseqatigiiffiata ilaata immikkuullarissup nakkutigineqarneranut aqunneqarneranullu innuttaaqatigiit toqqartumik oqartussaaqataanissaq kissaatigaat. Uumassusillit pinngitsoorsinnaanngisatik peqqissuujuarnissaat Pikialasorsuup avatangiisaata allanngutsaaliorneqartariaqarneranik tunngaveqartuusoq nassuerutigaat."

"Pikialasorsuaq pillugu Isumalioqatigiissitat sulinerat inoqarfiit tusarniaaffigineqarnerannit tunngaveqarpoq nalunaarusiarlu manna taakkuninngaanneersuuvoq", Okalik Eegeesiak ICC-mi Isumalioqatigiissitanilu Siulittaasuusoq oqarpoq nangillunilu: "Pikialasorsuaq pillugu Isumalioqatigiissitat suliaat naqqaniit qummut suliatut ingerlanneqarpoq, taamaattumik imartap pineqartup aqunneranut Inuit Pikialasorsuup qanitaaniittut aqutseqataanissartik kissaatigigaat erseqqippoq".

Nalunaarusiaq pingaarnernik pingasunik inassuteqaatitaqarpoq:

  • Aqutsisoqarfimmik naggueqatigiinnit Inunnit Pikialasorsuup qanitaani illugiillutik najugaqartunit siulersorneqarlunilu aqunneqartumik pilersitsisoqassasoq inassutigineqarpoq.
  • Aqutsisoqatigiinnik Aqutsinissamut Oqartussaassuseqartunik pilersitsisoqassasoq. Tamannalu siunertaralugu inoqarfinni najugaqartuusut isumasioqatigalugit imartallu immikkut illersorneqarnissaata qanoq angitiginissaa aalajangersarneqassasoq tassungalu ilaalluni ammalataq Pikialasorsuaq, isumalluutillu tamaaniittut tamakkerlugit sumiissusersorneqarluassasut.
  • Pikialasorsuup qanitaaniittut naggueqatigiit killilersorneqanngitsumik imminnut tikeraarlutik angalasinnaaleqqinnissaat periarfissinneqassasoq.

"Pikialasorsuaq pillugu illugiissumik suliaq nangillugu alloriarnissaq tulliuttoq tassaasariaqarpoq inassuteqaatigineqartut piviusunngortinniarlugit sulilernissaq naggueqatigiillu Inuit imminnut tunngatillugu aalajangiisinnaassuseqarnertik nunaminnik imartaminnilu aqutsilernissaasa tapersersorneqarnissaa", Eva Aariak oqarpoq nangillunilu: "Canadami, Kalaallit Nunaanni Danmarkimilu Naalakkersuisut suleqatigiillutik Pikialasorsuup pitsaasumik inuinullu periarfissiilluartumik siunissaqarnissaa naatsorsuutaasoq."

Nalunaarusiaq manna piviusunngortinneqarsinnaanngorpoq ukunannga tapersersorneqarnikkut: Oceans North, World Wildlife Fund, Oak Foundation, Betty aamma Gordon Moore Foundation.


About the Commission

The Pikialasorsuaq Commission was mandated by the Inuit Circumpolar Council (ICC) to conduct consultations in the communities in Nunavut and Greenland that are closely connected to Pikialasorsuaq.

It is led by three commissioners: International Commissioner Okalik Eegeesiak (chair of the ICC), Canadian Commissioner Eva Aariak (former Premier of Nunavut) and Greenland Commissioner Kuupik Kleist (former Greenland Premier).

The commissioners undertook consultations designed to facilitate local and regional input, to incorporate Indigenous knowledge, and to recommend an Inuit strategy for safeguarding, monitoring and management of the health of Pikialasorsuaq for future generations. Consultations took place with Canadian Inuit communities (Grise Fiord, Resolute, Arctic Bay, Pond Inlet and Clyde River) and in Northern Greenlandic communities (Siorapaluk, Qaanaaq, Savissivik, Kullorsuaq, Nuussuaq and Upernavik).

Isumalioqatigiissitat

Okalik Eegeesiak, chair@inuitcircumpolar.com, +1 613-563-2642

Kuupik Kleist, kvk@ggnuuk.gl, +299 54 78 58

Eva Aariak, eva.aariak@gmail.com, +1 867-222-8355

Annertunerusumik paasiniaaffigineqarsinnaavoq

Stephanie Meakin, ICC Canada, smeakin@inuitcircumpolar.com; +1 613-791-1925

Alfred Jakobsen, Oceans North Greenland, aerj58@gmail.com

Sarah MacWhirter, WWF-Canada, smacwhirter@wwfcanada.org; +1 416-347-1894